كعب (واطي) وتعب (عالي)!!

 جينا شايلين ليك فرحنا وكانعشمنا تزيدو حبة

تطرى ناس فاقدين عيونك وبي وراك ماخلو غربة

قلنا ننسى تعب سفرنا بى ليالى معاك أحبة

جينا ما لقينا فى عيونك ذكرى ساكت للمحبة

شلنا شوقنا رجعنا بيهو ما ندمناعلى سلامك

*(مديدة البلح) و(مديدة الحلبة) كلاهما يزيد الوزن فتري لماذا تلجأ حواء السودانية لحبوب (النجمة) وأخواتها ؟؟

* أغرب حاجة في السودان بنخت صورةجون سينا في محلات المدايد وبنخت صورة كرستيانو رونالدو في البوتيكات ..

* قالوا ان الفنانة نانسى عجاج فى حفلها الأخير كادت ان تسقط على الارض بسبب (الكعب العالى).

* نانسى فى حفلها القادم إذا لبست(كعب واطى) يمكن ان يسقط الناس من شدة الطرب ..

*(تعلية الكعب) هى شروع فى (قضروف الضهر)..

* قبل كده شفت لى عروس (ضعيفة جدا( ولابسة ليها كعب عالى وماشة وبتتراقص زى (قندول العيش)..

* أن ما ما عارف الحكمة شنو فى حب العروسات للكعب العالى ؟؟

* بالجد ما عارف ؟؟

* والرجال فى (الشيلة) بيركزوا تركيز كبير على الكعب العالى ..

* تلقى (مسمار الشبشب) بى ورا أطول من الشبشب ذاتو ..

* وما سمح على فكرة ..

* قد يكون سمح فى بعض النسوان لكن فى نسوان لما يبلبسنو ببقن زى(قصب العنكوليب)..

* الواحدة أ تقول ماشة ليها فى (طبق بيض)..

* غايتو جنس غايتو !!

*(محبة) محمود عبد العزيز لمعتزصباحي أضافت لمعتز الكثير ..

*(حب) الحوت لمعتز أضاف لصباحيأكثر من أغنياته نفسها ..

* وهذا يؤكد أن تأثير الحوت يصل حتي للذين يحبهم ..

* الحوت ما ساهل والله ..

*(ست الودع) هي الست الوحيدة التى يجلس أمامها الرجل مستمعا لـ (النقة) ولاكتر خيرو ..

*والله صحي ..

* قالوا : (لحم الأرانب) علاج لكثير من الأمراض ..

* هو أنا عليك الله وكت بقدر (أقبض) ليأرنب بكون عيان كيف ؟؟

* ولا لحم الارانب ح تبيعوهو لينا في(الجزارات) ؟؟

* نحن علاجنا في (لحم الضأن) بس أنتو اوقفوا التصدير ..

* ما في حاجة جايبه لينا (سوء التغذية ده) إلا التصدير ..

* كلما أستمع الي أغنية من ألحان صلاح أدريس أتذكر ( السليقة الباردة)..

* لا أعرف ماهي علاقة ألحان صلاح أدريس بالسلقية الباردة ولكن أظن أن هنالك وجه شبه كبير جدا بينهما ..

* من سيئات (باص الوالى) انه يجعلك تقابل (قاتل أبوك)..

* داخل الباص ده ممكن تقابل ليك زول انت شايل منو (سلفية)..

* بتقابل سيد البيت وسيد اللبن وسيد الدكان وبتاع الرصيد ، الباص الواسع ده يبقى ليك قدر (بيت الكبريت)..

* لو عندك زول زاغ ليك بقروشك (شرك ليهو في باص الوالى( ..

* إنتظرو في باص الوالى بيجيك مستسلم براهو ..

* حاجة تكسف ..

* عدد المذيعات في أجهزتنا المسموعة والمشاهدة أصبح أكثر من عدد المستمعين والمشاهدين..

* قناة فضائية الذين يشاهدونها لايتجاوزن ال( 15 ) نفر ومع ذلك بها أكثر من( 17 ) مذيعة..

* أقترح أن تكون هنالك (نثريات مشاهدة) تمنح للمشاهدين نهاية كل شهر ..

* بقترح كده ..

* واي زول طبعا حر في (إقتراحاتو)..

* المهم ..

* (الكبدة) في (الجزارة) بالحجز ..

* لو داير ليك (كبدة) إلا تحجزها قبل يوم ..

* والحجز في حياتنا يبدأ من (المواصلات) وينتهي ب(الكبدة)..

* داير تركب المواصلات تحجز بالشباك، داير كبدة تحجز بالتلفون وتدفع عربونكمان ..

* علي بالقسم (الكبدة) بقت لينا زيالفنان ..

* حجز وعربون .. حالة صعبة ..

* في السوق بتسمع التجار بالصوتالعالي يصرخون : (تلاتة صابونة حمام بخمسة جنيه)..

* والصابونة تستحمي بيها أول مرة بتكون صابونة حمام تجي تستحمي بيها تاني مرة بتلقاها بقت صابونة غسيل ..

* من أول حمام بتلقي (البنج) بتاع الصابونة فكه ..

* الشغلانية بقت لون ساكت ..

* زي (الريحة)..

* العطر تتعطر بيهو مرتين وبعد داك ببقي موية ..

* موية ب(الفا)؟؟

* يا أستاذة : كلو ما ألاقيك يا ماشة البوتيك ويا جاية من البوتيك !!

* و..و..

* والوافر ضراعو …(بقى لا بجدع ولا بيجيب الحجار)  ..

اضافة تعليق

Powered by Facebook Comments

اضف رد

%d مدونون معجبون بهذه: