بنديكم حلايب وادونا داليا البحيري !!

* إتخيل إنو السودان ده هو عبارة عن (بيت) ..

* وفي بيوت بيكون فيها عشرة بنات اخوات ومعاهن اخو واحد والعكس صحيح ..

* والبيت الفيهو بنات كتار دائما بتلقى العرسان بيتحاومو من حوله ..

* وكترت البنات في البيت الواحد هى إمتحان للصبر وتأكيد على ان القسمة ما بتفوت سيدا ..

* يعنى مثلا : تلقى في بيت فيهو سبعة بنات أخوات تقوم أصغر واحدة تتزوج والكبار قاعدات بايرات ..

* ده إمتحان للصبر ..

* والقسمة ما بتنفات والجاية من الله بتصيب ..

* المهم .. إتخيل إنو السودان ده بيت و(المدن السودانية) هي بنات في بيت السودان ..

* ركزو معاي شوية ..

* السودان بيت والمدن بنات ..

* عندك مثلا : (حلايب) هى بت سودانية ولكن الأخوة المصريين عاملين فيها شمطة ..

* المصرين بيفتكرو إنو بتنا (حلايب) هى من أب مصرى وأم سودانية عشان كده عاملين لينا حركات ..

* لكن حركاتهم دى يعملوها لناس تانيين ما لينا نحن ..

* هسه نحن جينا قلنا ليكم داليا البحيرى دى سودانية ؟؟

* ما قلنا صاح ؟؟

* طيب حلايب دى بت سودانية زيها وزي اى تهانى الباشا ..

* في ترتيب المدن السودانية التى هى عبارة عن بنات في بيت السودان نجد أن (سنار) هى البكر ..

* سنار أكبر بت في السودان ومعاها دنقلا وحلفا ..

* ديل كبار البيت ..

* وما بنقدر نقول سنار بايرة لكن بنقول لوالى سنار إنو (بتنا دى) ما بتستاهل الأهمال ده ..

* (سنار أنا والتاريخ بدأ من هنا) ، عشان كده بنقول لوالى سنار : والله العظيم نحن ما بنقبل سنار وسنجة يكونو في هذا الوضع ..

* سنار تستاهل ان تكون في المقدمة ..

* في بنات في السودان بتشابهن زي : (الأبيض ونيالا وكسلا ومدنى) ..

* غايتو لو بحسابتنا نحنا الابيض وكسلا ومدنى ونيالا المفروض يتزوجن من عمر (13) سنة ..

* البنات الاربعة ديل (كسلا ، الأبيض ، مدنى ونيالا) بتشابهن في الرقة واللطافة والشعر الطوال ..

* بورتسودان أيضا هى فتاة فاتنة وحسناء  ..

* بورتسودان هى من البنات اللائى يتعرضن (للمشاغلة) في المواصلات ..

* بورتسودان متبرجة جدا وجميلة جدا ..

* عندك تانى في بنات صغيرات في السن والحجم وحلوات جدا زي (كوستى وربك والدويم والرهد وشندى وعطبرة والدمازين) ..

* طبعا بتنا (ابيي) برضو الأخوة الجنوبين دايرين يعملوا لينا فيها (اثبات نسب) ..

* لكن لحس الكوع أقرب ليك ياسلفاكير ..

* نحنا بنات ما هاملات عشان نفرط فيهن ..

* ابيي دى عندنا زى القضارف وسنكات والنهود وبابنوسة والمجلد والدامر وكادوقلى ..

* ما بنلعب فيها ولا بنهظر ..

* ايضا من البنات المحبوبات في السودان عندك (تبول والكاملين والحصاحيصا وأم روابة والفاشر والجنينة) ..

* عشاق التمرد إتحرشوا بكثير من بناتنا وعلى رأسهن (ابو كرشولا والضعين واب زبد) ..

* ورغم هذا التحرش نحن واثقين من ابو كرشولا واخواتها ..

* أكتر بت من بنات السودان هادئة وخجولة هى (بحرى) ..

* طبعا يا جماعة الخرطوم (بايرة) ..

* الخرطوم من بايرات الوطن ..

* بحرى فتاة هادئة جدا وخجولة جدا ودائما إطلالتها مريحة وسمحة ..

* في تانى بت بتشبه (بحرى) وهى (رفاعة) ..

* بحرى ورفاعة بتشابهن في كثير من التفاصيل ..

* (بحرى) بتلبس توب و(رفاعة) بتلبس توب لكن (الباوقة) اللذيذ تفاحة بتلبس (طرحة) ..

* في السودان في بنات لو لبسن العباية بيكونن أحلى زي (مروى والقطينة والفولة وبارا) ..

* بارا دى لو لبست ليكم عباية ح توقف البلد دى برجل واحدة ..

* أم درمان هى فتاة راقية لكن عشاقها كتار ..

* لو جانا عريس لام درمان بيحصل دم عديل ..

* قبل كده خليل ابراهيم حاول يغتصب ام درمان لكن عرف حاجة ..

* كده إتخيل أنت داير تعرس وقدامك البنات ديل ناس كسلا ومدنى والقضارف وعطبرة وبقية البنات ح تختار كيف ؟؟

* الأختيار في الحالة دى بيكون صعب ..

* أنا الحمدلله تقريبا كل البنات السودانيات ديل شفتهن وحبيتن عشان كده الاختيار بالنسبة لي صعب شديد ..

* نيالا عندى زي عطبرة وعطبرة عندي زي الأبيض والأبيض زى كوستى وكوستى زي مدنى وباقي الطيبات ..

* فكرة هذا العمود تخيلتها أمبارح وظبطت في رأسى وكتبتها الليلة ..

* وأى زول طبعا حر في (خيالاتو) ..

* وعلى فكرة .. ما في زول بيقدر يقول لي : ليه إتخيلت كده ؟؟

* أنا حر ..

* أنا اسف لو في مدينة سقطت سهوا من خيالى ..

* لو نسيت سامحونى وقطع شك ما عن قصد بل سهوا مع مراعاة المستهدف هو المدن وليس القري وكلنا اولاد قرى ..

* يا استاذة ..إنتى زي (الخرطوم) ..

* و..و..                

* وأنا بلدي بلد الخير و…(أزمة المواصلات) ..

قزاز ورذاذ

محمد الطيب الأمين

بنديكم حلايب وادونا داليا البحيري !!

* إتخيل إنو السودان ده هو عبارة عن (بيت) ..

* وفي بيوت بيكون فيها عشرة بنات اخوات ومعاهن اخو واحد والعكس صحيح ..

* والبيت الفيهو بنات كتار دائما بتلقى العرسان بيتحاومو من حوله ..

* وكترت البنات في البيت الواحد هى إمتحان للصبر وتأكيد على ان القسمة ما بتفوت سيدا ..

* يعنى مثلا : تلقى في بيت فيهو سبعة بنات أخوات تقوم أصغر واحدة تتزوج والكبار قاعدات بايرات ..

* ده إمتحان للصبر ..

* والقسمة ما بتنفات والجاية من الله بتصيب ..

* المهم .. إتخيل إنو السودان ده بيت و(المدن السودانية) هي بنات في بيت السودان ..

* ركزو معاي شوية ..

* السودان بيت والمدن بنات ..

* عندك مثلا : (حلايب) هى بت سودانية ولكن الأخوة المصريين عاملين فيها شمطة ..

* المصرين بيفتكرو إنو بتنا (حلايب) هى من أب مصرى وأم سودانية عشان كده عاملين لينا حركات ..

* لكن حركاتهم دى يعملوها لناس تانيين ما لينا نحن ..

* هسه نحن جينا قلنا ليكم داليا البحيرى دى سودانية ؟؟

* ما قلنا صاح ؟؟

* طيب حلايب دى بت سودانية زيها وزي اى تهانى الباشا ..

* في ترتيب المدن السودانية التى هى عبارة عن بنات في بيت السودان نجد أن (سنار) هى البكر ..

* سنار أكبر بت في السودان ومعاها دنقلا وحلفا ..

* ديل كبار البيت ..

* وما بنقدر نقول سنار بايرة لكن بنقول لوالى سنار إنو (بتنا دى) ما بتستاهل الأهمال ده ..

* (سنار أنا والتاريخ بدأ من هنا) ، عشان كده بنقول لوالى سنار : والله العظيم نحن ما بنقبل سنار وسنجة يكونو في هذا الوضع ..

* سنار تستاهل ان تكون في المقدمة ..

* في بنات في السودان بتشابهن زي : (الأبيض ونيالا وكسلا ومدنى) ..

* غايتو لو بحسابتنا نحنا الابيض وكسلا ومدنى ونيالا المفروض يتزوجن من عمر (13) سنة ..

* البنات الاربعة ديل (كسلا ، الأبيض ، مدنى ونيالا) بتشابهن في الرقة واللطافة والشعر الطوال ..

* بورتسودان أيضا هى فتاة فاتنة وحسناء  ..

* بورتسودان هى من البنات اللائى يتعرضن (للمشاغلة) في المواصلات ..

* بورتسودان متبرجة جدا وجميلة جدا ..

* عندك تانى في بنات صغيرات في السن والحجم وحلوات جدا زي (كوستى وربك والدويم والرهد وشندى وعطبرة والدمازين) ..

* طبعا بتنا (ابيي) برضو الأخوة الجنوبين دايرين يعملوا لينا فيها (اثبات نسب) ..

* لكن لحس الكوع أقرب ليك ياسلفاكير ..

* نحنا بنات ما هاملات عشان نفرط فيهن ..

* ابيي دى عندنا زى القضارف وسنكات والنهود وبابنوسة والمجلد والدامر وكادوقلى ..

* ما بنلعب فيها ولا بنهظر ..

* ايضا من البنات المحبوبات في السودان عندك (تبول والكاملين والحصاحيصا وأم روابة والفاشر والجنينة) ..

* عشاق التمرد إتحرشوا بكثير من بناتنا وعلى رأسهن (ابو كرشولا والضعين واب زبد) ..

* ورغم هذا التحرش نحن واثقين من ابو كرشولا واخواتها ..

* أكتر بت من بنات السودان هادئة وخجولة هى (بحرى) ..

* طبعا يا جماعة الخرطوم (بايرة) ..

* الخرطوم من بايرات الوطن ..

* بحرى فتاة هادئة جدا وخجولة جدا ودائما إطلالتها مريحة وسمحة ..

* في تانى بت بتشبه (بحرى) وهى (رفاعة) ..

* بحرى ورفاعة بتشابهن في كثير من التفاصيل ..

* (بحرى) بتلبس توب و(رفاعة) بتلبس توب لكن (الباوقة) اللذيذ تفاحة بتلبس (طرحة) ..

* في السودان في بنات لو لبسن العباية بيكونن أحلى زي (مروى والقطينة والفولة وبارا) ..

* بارا دى لو لبست ليكم عباية ح توقف البلد دى برجل واحدة ..

* أم درمان هى فتاة راقية لكن عشاقها كتار ..

* لو جانا عريس لام درمان بيحصل دم عديل ..

* قبل كده خليل ابراهيم حاول يغتصب ام درمان لكن عرف حاجة ..

* كده إتخيل أنت داير تعرس وقدامك البنات ديل ناس كسلا ومدنى والقضارف وعطبرة وبقية البنات ح تختار كيف ؟؟

* الأختيار في الحالة دى بيكون صعب ..

* أنا الحمدلله تقريبا كل البنات السودانيات ديل شفتهن وحبيتن عشان كده الاختيار بالنسبة لي صعب شديد ..

* نيالا عندى زي عطبرة وعطبرة عندي زي الأبيض والأبيض زى كوستى وكوستى زي مدنى وباقي الطيبات ..

* فكرة هذا العمود تخيلتها أمبارح وظبطت في رأسى وكتبتها الليلة ..

* وأى زول طبعا حر في (خيالاتو) ..

* وعلى فكرة .. ما في زول بيقدر يقول لي : ليه إتخيلت كده ؟؟

* أنا حر ..

* أنا اسف لو في مدينة سقطت سهوا من خيالى ..

* لو نسيت سامحونى وقطع شك ما عن قصد بل سهوا مع مراعاة المستهدف هو المدن وليس القري وكلنا اولاد قرى ..

* يا استاذة ..إنتى زي (الخرطوم) ..

* و..و..                

* وأنا بلدي بلد الخير و…(أزمة المواصلات) ..

لمتابعة الاخبار الفنية الثقافية زورو موقعنا الالكتروني صحيفة ريبورتاج:
صفحة الفيسبوك: https://www.facebook.com/reportagesd
تيليجرام: https://telegram.me/reportagesd
مجموعة الفيسبوك: https://www.facebook.com/groups/85632…
تويتر:https://twitter.com/reportagesd1

 

اضافة تعليق

Powered by Facebook Comments

%d مدونون معجبون بهذه: