أخبار الرئيسية (سلايدر)احداث

نزار المهندس: عشان بلدنا عمل كبير ولكن

ريبورتاج:رامي محكر
 أكد الفنان الشاب نزار المهندس ابتعاده التام عن مشروع عشان بلدنا، وأوضح سبب مغادرته بقوله على صفحته بموقع التواصل الاجتماعي أن غياب الأعمال الأفكار الجديدة ومناقشتها بالمجموعة على تطبيق (واتس آب)، الذي غادرها وقال :"لمن طلعت من قروب عشان بلدنا في الوتس آب لأنه بقى حله مهجورة ومافي اي اعمال يقال ان المشروع مستمر وبالعكس في ناس اقترحوا كثير من الاعمال بس للاسف يبدوا أن هناك أشخاص معينين هم من يحركون المجموعة وفريق العمل، واي محاولة من أي فنان اقترح عمل اتقفل وقتي بعدم الرد عليه وفي النهاية يطلع زعلان، أنا اختصرت الموضوع وطلعت من القروب ما عشان ما عايز اشتغل لانه اصلا انا لمن جيت وشاركته كان عشان العيش والملح والعشرة البينا كفنانين في وطن واحد لكن والحمدلله طلعتي من القروب حركت شجون الاعضاء وبعد مغادرتي اقترحوا عمل جماعي تاني، (كويس) اني الطلعت وبقى في موضوع اكيد طبعا بتمنى ليكم من قلبي التوفيق ولو عارف كدا كان طلعت من زمان وعشان بلدنا ما المشروع الوحيد البخليني أعرف الناس بحب بلدي ومن اللحظة انا بكتفي بالعيش والملح والخوة لاغير وخلاف كدا انا بعيد تماما من اي نشاط بخص عشان بلدنا". وعبر المهندس عن سعادته بالمشاركة في العمل بـ(عشان بلدنا) وقال : "كنت سعيد جداً بالعمل الكبير عشان بلدنا وبكل الناس الشاركوا واعتز بهم جميعاً لأنهم مثلوا البلد وأثبتوا حبهم من خلال عمل جميل كان من كلمات والحان الشاعر والملحن الكبير احمد البلال، ومن توزيع الأخ الجميل والموسيقار الكبير حسام عبد السلام والاخراج للرائع مهيد عباس ومهندس الصوت القدير مصعب خلف الله"

مقالات ذات صلة

اترك تعليقاً

زر الذهاب إلى الأعلى